الرئيسية
بدايتي بتكوون بالصووره اللي بتوضح لكم عن ايش يتكلم موضوعي
هذا الكرسي الكل يعرفه
يقولون لهذي الفئه معاقين او ذوي احتياجات خاصه
بس انا عندي كلام ثاني هذولا مو معاقين
ذولا اصحاء واصحى منا بعد
تعرفوون منو المعاقين
حنا المعاقين
حنا اللي الاعاقه تسري بمدمنا
يمكن تقولون وش ذا الكلام هذي وش تخربط
ايه مافي مشكله لو اصير في نظركم كلامي غلط
بس اهم شي انياثبت وين الاعاقه الحقيقيه
هذي الصوره تثبت كلامي
ماشاء الله في الصفوف الاولى ولاحقين على الصلاه
والمتعافين
اذا بيصلي يلحق على اخر ركعه
واحيانا تفوته الصلاه
وهو عادي ماعنده مشكله اذا فاتته
واذا كانت مباراه لا مستحيل تفوته لو دقيقه من المباراه مايخليها تروح عليه
الحين وش الاهم في نظركم المباراه ولا الصلاه
الملاعب نلقاها مليانه من الظهر والمباراه بعد العشاء تبدء
والناس عند التلفزيوون من المغرب ويفوتون الصلاه
الا من رحم ربي
اللي فيهم خير يتركون المدرجات ويروحون يصلووون
ويتركون التلفزيوون ويلحقووون على الصلاه
المتعافين وش يستعملوون يدينهم فيه
يستعملونها في تقليب المسلسلات والافلام الاباحيه
يستعملونها في تشغيل الاغاني
يستعملونها في اشياء كثير محرمه اعجز عن عدها
شفتوا كيف اللي تقولون عنهم معاقين احسن منا في ايش
صلاه وعباده وقنوت لله في اخر الليل
الجميل فيهم الابتسامه اللي ماتفارقهم ماشاء الله
حتى وهم ماعندهم أي نوع من انواع التسليه تلقاهم دايم مبتسمين
وحنا اذا مالقينا شي يسلينا قلنا طفشانين
وحنا كل شوي بطلعه ونتمشى وماتخلون مكان ماتروحون له
وبعد طفشانين
المشكله انتم ماسألتوا نفسكم ليش طفشانين
يوووم تنسى ذكر الله وتبعد عن ذكر الله هذا هو اللي يسبب لكم الطفش والضيقه
احيانا يمكن نشووفهم حزينين
تدرون ليش
هم يحزنون من نظرت الناس لهم
يوم شخص منهم يتواجد في مكان تلقى كل انظار الناس عليه
كنهم اول مره يشووفون زي كذا
يحسسونهم انهم غير مرغوبين
بالعكس ليش ننظر لهم بهذي النظره نظرت الشفقه
و بالحقيقه اصلا الواحد يشعر بسعاده غريبه اذا شافهم
صدق احيانا البعض ينظر لهم نظرة العاجزين
لاكن ماشاء الله عندهم طاقة ابداع وتفائل جدا جميل
حتى هذ الابداع مايطلع من الاصحاء ليش لانه فاضي بس للعب والاشياء التافهه
ومو فاضي يبدع ويفكر ويخترع
بالنهايه اقول الاعاقه مو اعاقة الجسد
الاعاقه اعاقة الاخلاق
واعاقتك من الداخل وخللك بدينك ومبادئك
اعاقاتنا حنا اللي جالسين نصنعها
ونجعل من نفسنا اشخاص معاقين وغير مهمين بالمجتمع
واشخاص تكثر معاصيهم وهم يضحكون هنا وهنا ولا يفكرون بأخرتهم
بالنهايه اقوول
كل شخص يقراء الموضوع يفكر وين الاعاقه فيه
ويداويها ويترك عنه نظرته للغير بانهم ناس معاقين جسد
لانهم بالاصح مو معاقين
موضوعي اليوم كان غير عن مواضيعي
لان هذي الفئه لها في قلبي مكانه كبيره
وكانت احد احلامي لهذي الفئه
بس يالله الله يقدم اللي فيه الخير
ولو بيدي اقدم أي شي لهم
